by Eman Sulaeman

Dijaman ayeuna anu werit hese ngala duit, satekahpolah urang kudu geus wajib kreatif sangkan urang bisa terus hirup. Kukituna abi eudeuk mere tips jeung trik ngolah kulit cangkang cau diolah jadi kadahareun, daripada dipiceun mah lebar mending urang olah, kukituna sodara sodara :

siapkeun bahan-bahana :

–kulit cangkang cau, rek cau model kumaha wae ge teu nanaon,,nupenting cangkang cau lain cangkang kadu

–cai kapur, cukup sagayung, teu kudu sadreum da lain rek kuriak

–jeruk mipis

–tipung tarigu 150gram, bisi kurang nganjuk we heula ka warung

–aci kawung 50gram, teu kudu rea-rea da lain rek nyeiun cilok

–enog hayam 1, rek hayam kampung atawa hayam nagri ge teu nanaon nu penting lain endog Munding

–gula bodas cukup saparapat, tong leuwih ke bisi euweuh keur ninyuh cikopi

cara ngajieuna :

cangkang kulit cau keueum heula ku ci kapur nepika sapeuting, tuluy ditu’uskeun meh teu jibreg, geus kitu tuluy kecretan make cai jeruk mipis ameh seungit.

campurkeun tipung tarigu, aci kawung, endog jeung gula bodas, tuluy eta adonan dikocok, omat nya lur dikhochok…omat kudu make perasaan ngocokna sangkan nyerep jeung ngahiji na hate urang anu moal sulaya jalir tina jangji,,ciieeeee…whahhahahha

tah geus kitu tuluy anclomkeun cangkang kulit cau na hiji-hiji kana adonan, tuluy digoyeng gaying sing nepika asak camaplang nepika koneng lur….

nyajikeunana :

omat mun geus asak, tuluy pelong eta goreng cangkang kulit cauna, ulah wara dihuapkeun tapi bayangkeun heula, na kitu rek ngeunah mun seugna eta didahar ??!! cik atuh kira-kira piraku cangkang cau deuk didahar???

catatan ::

yeuh lur beruk wae ge teu beukieun dibere cangkang cau mah,,piraku ayeuna ku ilaing deuk dihuapkeun,,tong sok kamalinaan teuing luurrrr…kawas euweuh dahareun weh !!…jheuheuheuuu…